Vatnssölufyrirtækið Icelandic Water Holdings tapaði 10,9 milljónum dollara árið 2015 eða því sem samsvarar 1,2 milljarði króna miðað við núverandi gengi.
Félagið tapaði 12,9 milljónum árið 2014. Félög tengd Jóni Ólafssyni stofnanda Icelandic Water Holdings eiga alls 23,1% hlut í fyrirtækinu. Tekjur fyrirtækisins námu 12,6 milljónum dollara á tímabilinu samanborið við 10,8 milljónir dollara árið áður. Eignir Icelandic Water Holdings í lok árs 2015 námu 134,5 milljónum dollara.
