Eignarhaldsfélagið Snæból hagnaðist um rúmlega 1,4 milljarða króna á rekstrarárinu 2019 en árið áður tapaði félagið hálfum milljarði. Eignir félagsins námu 12,7 milljörðum króna á síðasta degi ársins 2019 og eigið fé nam tæplega 11,5 milljörðum króna.

Félagið er í eigu hjónanna Steinunnar Jónsdóttur og Finns Reyrs Stefánssonar. Snæból er næststærsti hluthafi í Sjóvá, með 9,5% hlut í sinni eigu og var stór hluthafi í Heimavöllum þar til nýlega. Þá á félagið hlut í Eyri Invest.