Hagnaður hjá Íslensku auglýsingastofunni nam 118,4 milljónum króna á síðasta ári og jókst um tæpar 7 milljónir króna milli ára. Fyrirtækið greiddi 167,5 milljónir króna í arð á síðasta ári og 82,2 milljónir króna árið 2015.
Rekstrartekjur námu 841,1 milljón króna og jukust um 9,7% milli ára. Eigið fé fyrirtækisins nam 185,5 milljónum um síðustu áramót. Alls námu eignir fyrirtækisins 443,6 milljónum króna og skuldir 258,2 milljónum króna.
