Fasteignafélagið Klappir, sem er í eigu KEA, hagnaðist um 26 milljónir króna á síðasta ári, samanborið við 1 milljón króna tap árið 2018. Kjarnastarfsemi félagsins felst í útleigu fasteigna og námu leigutekjur 60 milljónum króna á síðasta ári og stóðu nánast í stað frá fyrra ári.
Eignir félagsins námu 719 milljónum króna í árslok 2019 og eigið fé nam 195 milljónum króna. Halldór Jóhannsson, framkvæmdastjóri KEA, situr í stjórn félagsins.
