Unnur Sverrisdóttir forstjóri Vinnumálastofnunar hefur staðfest að ein hópuppsögn sem nái til 35 manns hjá fyrirtæki í fjármálageiranum hafi komið inn á borð Vinnumálastofnunar, að því er Vísir greinir frá.
Þetta er fyrsta hópuppsögnin sem stofnunin hefur fengið tilkynnt um í mánuðinum, en hún segir ekki útilokað að fleiri slíkar berist fyrir mánaðamót, annað hvort síðar í dag, eða á mánudag, sem er síðasti dagur mánaðarins.
Eins og Viðskiptablaðið sagði frá í síðasta mánuði misstu samtals 8.477 manns störf sín í 134 hópuppsögnum frá 20. janúar til 20. september, sem gerir um 4% af vinnuafli þjóðarinnar.
