Skiptum hefur verið lokið í þrotabúi pizzustaðarins Pizza Royal og fékkst ekkert greitt upp í lýstar kröfur, sem námu samtals tæplega 4,4 milljónum króna. Þetta kemur fram í Lögbirtingarblaðinu.

Umræddur pizzustaður var til húsa í Hafnarstræti 18, sem stóð við hlið Héraðsdóms Reykjavíkur. Nú standa yfir framkvæmdir á þeim slóðum og hefur húsið sem áður hýsti staðinn verið rifið.

Bú Pizza Royal var tekið til gjaldþrotaskipta þann 15. nóvember 2017 og lauk skiptum þann 8. febrúar síðastliðinn.