Ekki hefur áður verið minna bil milli flugfélaganna Wow Air og Icelandair í fjölda farþega eins og í nóvember síðastliðnum þegar mismunurinn nam um 25 þúsund farþegum líkt og túristi bendir á.
Eins og Viðskiptablaðið sagði frá í morgun jókst fjöldi farþega Wow air um 30% milli ára í nóvember, en í heildina flutti félagið 224 þúsund farþega í mánuðinum.
Á sama tíma flutti Icelandair hins vegar 249 þúsund farþega, en munurinn er nokkuð meiri ef talin í flugferðum enda þotur Wow air að jafnaði stærri en þotur Icelandair. Var meðalfjöldi farþega í hverri ferð um 205 farþegar í vélum Wow air meðan hann var um 144 í vélum Icelandair í síðasta mánuði.
