Netverslunarrisinn Amazon hyggst loka netverslun sinni í Kína sem gerir heimamönnum kleift að panta vörur frá kínverskum verslunum. BBC greinir frá.

Umrædd verslun mun hætta starfsemi í júlí næstkomandi en Kínverjar þurfa þó ekki að örvænta, þar sem að þeir munu enn geta pantað vörur úr alþjóðlegri netverslun Amazon.

Hörð samkeppni frá Alibaba og JD.com varð til þess að Amazon ákvað að ráðast í þessar aðgerðir.