Niðurstaða samræmdra þjónustukannana sem framkvæmdar eru af Alþjóðasamtökum flugvalla (ACI) var birt á fundi Isavia í gær. ACI-könnunin sýnir að þrátt fyrir 40% fjölgun farþega árið 2016 tókst starfsfólki Keflavíkurflugvallar að bæta þjónustuna, en ánægjuskor farþega á skalanum 1 til 5 jókst milli ára úr 4,12 í 4,15.

Farþegar voru ánægðari árið 2016 heldur en árið áður með netaðgang, verslunar- og veitingaaðstöðu, kurteisi og hjálpsemi starfsmanna í vopnaleit, hversu auðvelt það er að komast leiðar sinnar innan flugvallarins og biðtíma í vopnaleit. Farþegar voru hins vegar óánægðari með biðsvæðið og farangursafhendingu. Almennt voru erlendir ferðamenn ánægðari með þjónustu á Keflavíkurflugvelli heldur en íslenskir ferðamenn.

Nánar er fjallað um málið í Viðskiptablaðinu. Áskrifendur geta nálgast pdf-útgáfu af blaðinu með því að smella á hlekkinn Tölublöð .