Samkvæmt hluthafalista Icelandair er SFC Foresta Master Fund L.P, í stýringu bandaríska vogunarsjóðsins Stone Forest Capital, orðinn 14. stærsti hluthafi Icelandair með 1,41% hlut.
Sjóðurinn á hlutafé í Icelandair fyrir 400 milljónir og er markaðsvirði þess 656 milljónir króna miðað við núverandi gengi, 1,64 krónur. Félagið er með tæplega 138 milljónir dollara í stýringu eða jafngildi um 17 milljarða íslenskra króna.
Stone Forest Capital er með um 138 milljónir dollara í stýringu og leggur áherslu á fjárfestingar í ný- og vaxtarmörkuðum. Sjóðurinn var stofnaður árið 2014 af Brad Linedenbaum og er með höfuðstöðvar í New York.
Þá hefur fjárfestingasjóðurinn Bain Capital komist að samkomulagi við Icelandair um kaup á 16,6% hlut í félaginu fyrir um 8,1 milljarð króna. Kosið verður um aðkomu Bain Capital að Icelandair á hluthafafundi þann 23. júlí næstkomandi.