Hægt verður að fylgjast með geimskoti billjónamæringsins Jeff Bezos í beinni frá klukkan 11:30 í dag. New York Times greina frá.
Útsending hefst klukkan 11:30 og geimskotið sjálft verður klukkan 13:00.
Ásamt Jeff Bezos verður bróðir hans Mark um borð og Wally Funk, sem á sjöunda áratugnum var hafnað um að fá að fara út í geim af NASA vegna kynferðis. Fjórði og síðasti farþeginn er Oliver Daemen, hollenskur táningur sem lenti í öðru sæti í uppboði Bezos um að fara út í geim en fær að fara með þar sem sigurvegarinn þurfti að afboðaða sig.
Sjá einnig: Bezos í fyrsta farþegaflugi Blue Origin
Áhugamenn um geimferðir milljarðamæringa geta því tekið gleði sína á ný en í síðustu viku lét Richard Branson skjóta sér út í geim . Það virðist eitthvað hafa farið fyrir brjóstið á Bezos og Blue Origin ef marka má tístið hér fyrir neðan.
Fyrirtækið segir geimskot Branson ekki hafa farið út í geim þar sem það fór ekki yfir hina svokölluðu Kármánlínu sem er yfirleitt notuð til að skilgreina mörkin á milli gufuhvolfsins og geimsins. Branson fór í rúmlega 80 km hæð en geimflaug Bezos mun fara í um 100 km hæð og yfir Kármán línuna.
Til gamans má geta að Alþjóðlega geimstöðin er í 408 km hæð og gervihnattadiskar eru yfirleitt í 160 til 2.000 km hæð.
From the beginning, New Shepard was designed to fly above the Kármán line so none of our astronauts have an asterisk next to their name. For 96% of the world’s population, space begins 100 km up at the internationally recognized Kármán line. pic.twitter.com/QRoufBIrUJ
— Blue Origin (@blueorigin) July 9, 2021