Á réttum forsendum! er yfirskrift Janúarráðstefnu Festu sem fer fram í Hörpunni frá kl. 09:00 til kl 12.00 í dag. Beint streymi af ráðstefnunni, sem er sú stærsta hér á landi þegar kemur að sjálfbærnimálum að sögn aðstandenda, má finna hér að neðan.
Þátttakendur í umræðum eru sérfræðingar og stjórnendur sem vinna að því að finna leiðir til að efla sjálfbærni fyrirtækja. Á ráðstefnunni verða framsögur Katrin Bosworth og Johan Rockström, tveggja heimsþekktra fræðimanna, sýndar en þau hafa leitt umræðu á alþjóðasviðinu þegar kemur að sjálfbærni og loftslagsmálefnum.
Í kjölfar framsagna verða pallborðsumræður þar sem íslenskir fræðimenn og stjórnendur úr atvinnulífinu munu ræða helstu áskoranir á sviði sjálfbærni og loftslagsmála.
- Hvernig getur fjármagn stuðlað markvisst að sjálfbærri framtíð? - Langtímahugsun og sýn fjárfesta! - Ásthildur Otharsdóttir , stjórnarformaður Frumtak Venture stýrir umræðum.
- Breytingar á lögum og upplýsingagjöf um sjálfbæran rekstur: Hvað þýðir það fyrir atvinnulífið! - Tómas N. Möller , formaður Festu stýrir umræðum.
- Orkuskipti og hringrásarhagkerfið! - Aðalheiður Snæbjarnardóttir , sérfræðingur í sjálfbærni hjá Landsbankanum og fulltrúi Festu í Loftslagsráði stýrir umræðum.
Meðal þátttakanda eru;
- Ásdís Kristjánsdóttir, aðstoðarframkvæmdastjóri SA
- Andri Þór Guðmundsson, forstjóri Ölgerðarinnar
- Benedikt Gíslason, bankastjóri Arion banka
- Eva Margrét Ævarsdóttir - lögmaður og ráðgjafi á sviði sjálfbærni hjá LEX
- Friðrik Larsen, dósent við HÍ og framkvæmdastjóri brandr Global
- Gunnar Tryggvason, sviðsstjóri viðskiptasviðs Faxaflóahafna
- Hafdís Hanna Ægisdóttir, forstöðumaður Stofnun Sæmundar Fróða
- Halla Hrund Logadóttir Orkumálastjóri
- Jens Þórðarson, forstjóri Geo Salmo
- Kristín Vala Ragnarsdóttir, prófessor við Háskóla Íslands
- Lára Kristín Þorvaldsdóttir, umhverfisverkfræðingur á samfélagssviði hjá EFLU
- Sigríður Guðjónsdóttir, sérfræðingur í notendarannsóknum á Þjónustu og nýsköpunarsviði Reykjavíkurborgar
- Sigurlína Ingvarsdóttir, sjálfstæður ráðgjafi hjá Ingvarsdóttir ehf. Situr í stjórnum CRI, Eyris Vaxtar, Solid Clouds og Mussila
- Soffía Gunnarsdóttir, forstöðumaður eignastýringasviðs Birtu lífeyrissjóðs