Stjórn Brims hefur samþykkt að setja af stað endurkaupaáætlun um kaup á eigin bréfum. Kaupa á að að hámarki 50.000.000 hluti, eða um 2,7% af útgefnum hlutum, á kaupverði, en þó ekki meira en fyrir 1,9 milljarða króna.
Í tilkynningu til Kauphallarinnar segir að endurkaupaáætlunin sé á grundvelli heimildar sem samþykkt var á aðalfundi félagsins 29. mars 2019 tekið. Markmiðið í þeim tilgangi að standa við mögulegar skuldbindingar sem leiða af skuldatengdum fjármálagerningum sem eru skiptanlegir í hlutabréf.
Þó er sá fyrirvari á hámarkskaupum að Brim ásamt dótturfélögum má einungis eiga mest 10% hlutafjár í félaginu. Gert er ráð fyrir að endurkaup samkvæmt áætluninni hefjist þriðjudaginn 1. október 2019 og mun áætlunin vera í gildi fram að aðalfundi félagsins 2020, nema skilyrði um hámarkskaup verði uppfyllt fyrir þann tíma.
Verð fyrir hvern hlut skal ekki vera hærra en hæsta gengi af eftirfarandi; lokagengi síðasta viðskiptadags, síðustu óháðu viðskipta eða í hæsta fyrirliggjandi óháða kauptilboði. Hámarksmagn hvers viðskiptadags er 2.670.053 hlutir sem var fjórðungur af meðaltali daglegra viðskipta með hlutabréf félagsins í ágúst 2019. Endurkaupaáætlun verður framkvæmd af Íslandsbanka.
