Íslandsbanki hefur lokið söluferli á vörumerkinu Cintamani ásamt vörulager og léni félagsins. Kaupandi félagsins er Cinta 2020 ehf. og var kaupsamningur undirritaður í lok síðustu viku.
Verslun Cintamani í Garðabæ verður opnuð á næstu dögum auk þess sem vefverslun félagsins verður opnuð á nýjan leik, en nýr eigandi hyggst jafnframt leyfa nýtingu á gjafabréfum og inneignarnótum hjá félaginu. Félagið Cinta 2020 hefur ekki verið skráð á vef Ríkisskattstjóra, en samkvæmt heimildum Viðskiptablaðsins er Einar Karl Birgisson framkvæmdastjóri Cintamani á bakvið félagið.
Kauptilboð félagsins var samþykkt í lok febrúar , en söluferlið hófst eftir að endurskipulagning fyrrum eigenda fór út um þúfur. Eins og Viðskiptablaðið sagði frá í janúarlok tæmdi og lokaði útivistaverslunin og rýmingarsölur settar af stað í kjölfar þess að félagið fór í gjaldþrotaskipti.
Cintamani á um 30 ára sögu í framleiðslu og sölu á útivistarfatnaði, en helstu hluthafar félagsins lögðu því til um 300 milljónir króna í aukið hlutafé fyrir um ári síðan. Kristinn Már Gunnarsson hafði keypt 60% í félaginu árið 2011, en Frumtak slhf. átti félagið á móti honum.
Íslandsbanki hóf söluferli á Cintamani í lok janúar 2020 og var áhugasömum boðið að skila inn tilboðum fram í febrúar. Eins og áður segir hefur nýr eigandi tekið ákvörðun um að þeir viðskiptavinir sem áttu gjafabréf og innleggsnótur hjá félaginu geti nýtt þær hjá nýjum eigendum. Eru þeir aðilar hvattir til að hafa samband í gegnum netfangið [email protected].
Hér má lesa frekari fréttir um Cintamani og tengd félög:
- 22. febrúar 2020 - Samþykkja tilboð í Cintamani
- 29. janúar 2020 - Cintamani tæmir og lokar
- 28. ágúst 2019 - Nærri tvöfaldur viðsnúningur FÍ
- 23. júlí 2019 - Celsius í verslanir Cintamani
- 23. febrúar 2019 - Lögðu 300 milljónir í Cintamani
- 28. október 2017 - Cintamani hagnast um 12,8 milljónir
- 24. maí 2017 - INKLAW og Cintamani leiða hesta sína saman
- 1. október 2016 - Cintamani hagnast um 30 milljónir
- 5. september 2016 - Íslenskar veltutölur eins og lygasaga
- 4. september 2016 - Fjölskyldulífið dýrmætt
- 3. september 2016 - Gerðist af eintómri slysni
- 1. desember 2016 - FÍ fasteignafélag kaupir hluta af Bankastræti 7
- 6. febrúar 2015 - Nýr fimm milljarða sjóður
- 10. janúar 2015 - Tilbúnir í næstu umferð
- 20. október 2014 - Cintamani tapaði 101,8 milljón króna í fyrra
- 19. október 2014 - Erfiður rekstur í útivistarfatnaði
- 23. júlí 2013 - Bankastræti 7 til sölu
- 12. apríl 2013 - Frumtak fjárfestir í Cintamani
- 5. september 2012 - Nýir eigendur Andersen & Lauth
- 29. ágúst 2012 - Dagný hjá Cintamani ánægð með samstarf við Zalando
- 15. júlí 2012 - Cintamani skuldajafnar við Kristin
- 31. mars 2011 - Kristinn Már eignast meirihluta í Cintamani
- 1. október 2010 - Nýr fjárfestir í Cintamani: opna níu verslanir í Þýskalandi