Flugmálayfirvöld á Dulles flugvelli við Washingtonborg segja engin flug á áætlunum vallarins frá endurreistu Wow air né nokkur ný flugþjónusta í startholunum í að vera tilkynnt. Flugmálayfirvöldin staðfesta þó að haldinn hafi verið könnunarfundur um málið í ágústmánuði að því er fram kemur á vefnum simpleflying.com .
Stangast þetta á við fullyrðingar Michele Ballarin, eða Michelle Roosevelt Edwards eins og hún kallar sig víst nú, og félags hennar, US Aerospace Associates, um að til standi að fyrsta flug hins endurreista félags verði í þessum mánuði .
Tekið er fram að mögulega hafi verið átt við aðra flugvelli á Washington svæðinu, en þó er bent á að Ronald Reagan flugvöllur er miðaður við innanlandsflug. Sagt var frá því í fréttum í lok septembermánaðar að ekki hafi enn verið sótt um brottfarar- og lendingarleyfi fyrir mögulegt endurreist félag á hvorki Dulles né Keflavíkurflugvelli.
Í byrjun mánaðarins, nánar tiltekið þann 11. september, sagði hins vegar Páll Ágúst Ólafsson lögmaður Ballarin að vefsíða endurreists félags Wow air myndi opna á ný og fljótlega yrði hægt að kaupa miða .
Hér má lesa frekari fréttir um hugmyndir um ný félög á grunni hins gjaldþrota Wow air:
- 30. september 2019 - Ballarin talaði við Erni
- 26. september 2019 - Lénið wow.is til W Holding ehf.
- 26. september 2019 - Wow ekki enn klárt í flugtak
- 18. september 2019 - Greiddi WOW 50 milljónir
- 13. september 2018 - Lúxus hjá Wow
- 13. september 2019 - Segir áform Wow á áætlun
- 11. september 2019 - Vefsíða Wow í loftið á næstunni
- 6. september 2019 - Wow flýgur á ný í haust
- 6. september 2019 - Ballarin kaupir eigur Wow
- 12. ágúst 2019 - Ballarin ekki gefist upp
- 31. júlí 2019 - Atlanta og Bluebird sýna búi Wow áhuga
- 29. júlí 2019 - Fleiri vilja kaupa WOW
- 27. júlí 2019 - Kaupum Ballarin á eignum Wow rift
- 24. júlí 2019 - Búin að tryggja 100 milljónir dollara
- 15. júlí 2019 - „Við ætlum að vera flugfélag fólksins“
- 13. júlí 2019 - Gæti ekki átt meirihluta í nýju Wow
- 12. júlí 2019 - Hergagnasali kaupir eignir Wow air