Landsvirkjun hlýtur Hvatningarverðlaun jafnréttismála árið 2019 en þau voru veitt á fundi um jafnréttismál sem haldinn var í Hátíðasal Háskóla Íslands í gærmorgun. Hörður Arnarson, forstjóri Landsvirkjunar, tók við viðurkenningunni úr hendi Þórdísar Kolbrúnar Reykfjörð Gylfadóttur, ferðamála-, iðnaðar- og nýsköpunarráðherra.
Hvatningarverðlaun jafnréttismála voru nú veitt í sjötta sinn en markmið þeirra er að vekja athygli á fyrirtækjum sem hafa jafnrétti að leiðarljósi í starfsemi sinni og jafnframt að hvetja önnur fyrirtæki til að gera slíkt hið sama.
Verðlaunin eru veitt fyrirtæki sem hefur stuðlað að jöfnum möguleikum kynjanna til starfsframa, jöfnum launum, jafnvægi í kynjahlutföllum og aukinni vitund um þann ávinning sem jafnrétti hefur fyrir fyrirtækið og samfélagið.
Hér má sjáfulltrúa allra bakhjarla verkefnisins. Frá vinstri:
-
Stella Samúelsdóttir, framkvæmdastýra UN Women á Íslandi,
-
Þórdís Kolbrún Reykfjörð Gylfadóttir, ferðamála,- iðnaðar- og nýsköpunarrráðherra,
-
Hörður Arnarson, forstjóri Landsvirkjunar,
-
Selma Svavarsdóttir, forstöðumaður á starfsmannasviði Landsvirkjunar,
-
Halldór Benjamín Þorbergsson, framkvæmdastjóri Samtaka atvinnulífsins,
-
Jón Atli Benediktsson, rektor Háskóla Íslands,
- Hrund Gunnsteinsdóttir, framkvæmdastjóri Festu, miðstöðvar um samfélagsábyrgð.