Fyrsta flugvél ísraelska flugfélagsins El Al frá Tel Aviv í Ísrael til Íslands lenti á Keflavíkurflugvelli um kl. 14 í gær. Þetta kemur fram í tilkynningu.
Flugvél félagsins var af Boeing 787 Dreamliner gerð. Ferðin í gær var sú fyrsta af fimm hjá félaginu til Íslands í sumar með hóp ferðafólks frá Ísrael. Flogið verður til 18. ágúst.
El Al bætist þannig í hóp með þeim 20 flugfélög sem þegar hafa hafið flug til og frá Keflavíkurflugvelli nú í sumar.
Í lok júlí, nánar tiltekið þann 27. júlí næstkomandi, bætist annað ísraelsk flugfélag Arkia í hópinn. Arkia flýgur 5 ferðir með ísraelska ferðahópa til landsins fram til 31. ágúst. Hvorugt flugfélagið hefur flogið áður til Keflavíkurflugvallar.
