Fjármálafyrirtækið Fossar markaðir högnuðust um 177 milljónir í fyrra miðað við 310 milljóna hagnað árið 2019.
Rekstrartekjur lækkuðu úr 1,05 milljörðum í 920 milljónir milli ára. Laun og launatengd gjöld hækkuðu um 10% og námu 303 milljónum en 14 stöðugildi voru hjá félaginu bæði árin.
Haraldur Þórðarson, forstjóri Fossa, segir afkomuna ásættanlega en reksturinn hafi litast af ástandinu í samfélaginu sem hafi leitt af sér tekjusamdrátt hjá félaginu.
