Framboð Davíðs Oddssonar til forseta Íslands kostaði 27,7 milljónir króna. Þetta kemur fram í útdrátt úr uppgjöri Davíðs Oddssonar vegna þátttöku í kjöri til forseta íslands sem birt er á vef Ríkisendurskoðunar .
Framlög lögaðila til Davíðs námu um 8,2 milljónir en framlög einstaklinga námu hins vegar rúmri 8,1 milljón króna.
Kostnaður við framboð Höllu Tómasdóttur má einnig finna á vef Ríkisendurskoðunar , en það kostaði tæplega 8,9 milljónir íslenskra króna. Framlög lögaðila námu þar 3,7 milljónum - en framlög einstaklinga námu 3,1 milljón.
Áður hefur verið fjallað um það á vef Viðskiptablaðsins að forsetaframboð Guðna Th. Jóhannessonar til forseta Íslands hafi kostað 25 milljónir króna í heildina.
