Gunnar Zoëga, framkvæmdastjóri viðskiptaframtíðar Origo, hefur beðist lausnar frá störfum að því er fram kemur í tilkynningu frá fyrirtækinu . Gunnar hefur starfað um langa hríð hjá Origo og fyrirrennurum þess, Nýherja og Skyggni,

Gunnar mun láta af störfum á næstu vikum en verður félaginu innan handar næstu mánuði að því er segir í tilkynningunni. Málefni sviðsins munu heyra tímabundið undir Finn Oddsson, forstjóra félagsins

„Gunnar hefur ávallt náð góðum árangri í þeim verkefnum sem hann hefur tekið sér fyrir hendur og átt stóran þátt í stefnumótun og árangursríkum umbreytingum Origo síðustu ár. Það er eðli máls samkvæmt mikill missir fyrir okkur að sjá á eftir Gunnari og hans starfskröftum en um leið fögnum við því að sjálfsögðu að hann fái tækifæri til að takast á við ný og spennandi verkefni.  Um leið og ég þakka honum frábært samstarf, óska ég honum alls hins besta í þeim verkefnum sem framundan eru,“ er haft eftir Finni í tilkynningunni.