Georg Andersen hefur selt hlut sinn í Inkasso og í kjölfarið ákveðið að láta af störfum hjá félaginu.  Þetta kemur fram í tilkynningu frá félaginu. Georg átti á bilinu 3 til 4% hlut í Inkasso ehf. en langstærsti hluthafinn er ALVA Holding ehf.

Georg tók við stöðu forstjóra Inkasso í ársbyrjun árið 2015 en fyrir það hafði hann gegnt stöðu framkvæmdastjóra Kaptura ehf., móðurfélags Inkasso ehf. Þar áður hafði hann bæði starfað í sjávarútvegs– og fjármálageiranum um árabil. Hann var svæðissölustjóri hjá Marel, forstöðumaður fjárfestatengsla og samskiptasviðs Straums-Burðaráss fjárfestingabanka, framkvæmdastóri GottKort ehf. og framkvæmdastjóri Valafells ehf.

„Rekstur félagsins er traustur og vil ég þakka frábæru starfsfólki fyrir samstarfið á liðnum árum, nú taka við önnur og spennandi verkefni," er haft eftir Georg í tilkynningu.