Greinendur hjá Íslandsbanka spá hægari vexti á komandi árum en gert er ráð fyrir 3,4% vexti í ár og 1,5% á næsta ári. Þetta kemur fram í nýbirtri Þjóðhagsspá bankans. Í spánni kemur meðal annars fram að árið 2019 verði ár aðlögunar og hafa væntingar um minni umsvif í efnahagslífinu bæði hérlendis og erlendis.

Gert er ráð fyrir að fjárfesting verði talsverð út spátímann eða 23% af vergri landsframleiðslu. Spáð er að vöxtur í íbúðarfjárfestingu á spátímanum muni vera 48% á spátímanum. Jafnframt er gert ráð fyrir að viðskiptaafgangur af vergri landsframleiðslu verði að jafnaði 2,3% út áratuginn.

Verðbólguspá bankans gerir ráð fyrir 3,5% verðbólgu á næsta ári en 3,0% í lok áratugarins. Þá er gert ráð fyrir að hægja muni á vexti kaupmáttar launa og hann verði 3,2% í ár en 1,8% á næsta ári.

Greinendur gera ráð fyrir að nafnvextir muni lækka að nýju á spátímanum. Jafnframt er spáð að langtíma nafnvextir verði í kring um 4,7% og raunvextir nærri 1,8% undir lok spátímans.

Þjóðhagsspána í heild sinni má lesa hér .