Ekki kemur til helmingsfækkunar leyfilegra gesta verslana á fermetra eins og tilkynnt var um laust eftir hádegi í dag.
Heilbrigðisráðuneytið hefur gefið út uppfærðar reglur sem taka munu gildi þann 13. Janúar næstkomandi, en þar kemur nú fram að reglur um verslanir verða óbreyttar frá því sem verið hefur.
Í tilkynningunni frá því í hádeginu sagði að í stað 5 gesta á hverja 10 fermetra yrði nú leyfður einn gestur á hverja 4 fermetra, sem jafngildir helmingsfækkun úr 50 í 25 manns á hverja 100 fermetra.
Aðrar breytingar sem tilkynnt var um í hádeginu standa óbreyttar.