Hagnaður Haga hf. fyrir rekstrarárið 2016/17 nam rétt rúmlega 4 milljörðum króna samanborið við 3,6 milljarða árið áður.
Þrátt fyrir þessa ágætu niðurstöðu og merki um hagræðingu innan samsteypunnar hefur gengi bréfa félagsins lækkað umtalsvert í dag.
Lækkunin nemur nú um 3,7% og er gengið komið niður í 53,80 krónur á hlut og það í 144 milljón króna viðskiptum.
VÍS og Sjóvá hafa einnig lækkað það sem af er degi, annars vegar um 1,25% og hins vegar um 1,06%. TM hefur lækkað um 1,61% en í litlum viðskiptum.
