Hagnaður Atlantsolíu nam 198 milljónum í fyrra og dróst saman um þriðjung milli ára. Tekjur námu tæpum 6 milljörðum og drógust saman um 9%.
Heildareignir námu 5,3 milljörðum í lok síðasta árs og eigið fé 1,3 milljörðum, og lækkaði um 14%.
Eiginfjárhlutfall var því 24%. Tæpur milljarður langtímaskulda var á gjalddaga í fyrra, en þær lækkuðu aðeins um 90 milljónir. 134 milljónir þeirra eru á gjalddaga í ár, en ríflega 900 á því næsta.
Greidd laun námu 142 milljónum og ársverk voru 10.
Félagið greiddi 400 milljónir í arð á síðasta ári en félagið er í eigu Atlantolíu Investments ehf.. Endanlegir eigendur Atlantsolíu eru Guðmundur Kjærnested og Brandon C. Rose.
