Samkeppniseftirlitið hefur heimilað kaup Motormax á öllum eignum þrotabús Bílanausts. Þetta kemur fram á vef Samkeppniseftirlitsins .
„Samkeppniseftirlitið hefur haft til skoðunar kaup Motormax ehf. á eignum og rekstrarfjármunum þrotabús Bílanausts ehf. í kjölfar gjaldþrots hins síðarnefnda," segir í ákvörðuninni.
„Að undangenginni rannsókn og með hliðsjón af gögnum málsins er það mat Samkeppniseftirlitið að sá samruni sem á sér stað með kaupunum hindri ekki virka samkeppni og leiði ekki til markaðsráðandi stöðu. Þá leiðir hann ekki til þess að samkeppni á markaði raskist að öðru leyti með umtalsverðum hætti," segir ennfremur.
