Eftirspurn eftir bensínu hefur hrunið í Bandaríkjunum samhliða því að margir íbúar landsins eyða nú mestum tíma heimavið. Samkvæmt frétt Bloomberg féll sala á bensíni um 46,6% í landinu í síðustu viku marsmánaðar miðað við sama tímabil í fyrra. Í vikunni þar á undan hafði salan svo dregist saman um 30%.
Samdrátturinn í Bandaríkjunum bliknar þó í samanburði við það sem hann var á Spáni í síðustu viku mars en þar dróst sala á bensíni saman um 83% milli ára. Þá hefur bensín sala dregist saman um 66% í Bretlandi og um helming í Hollandi.
