Seðlabanki Evrópu hugleiðir að leyfa verðbólgu að vera yfir verðbólgumarkmiði bankans eftir dræma verðhækkun í nokkurn tíma. Væri það í fyrsta sinn bankinn tilkynni um slíkt og væri hann um leið að fara að fordæmi bandaríska seðlabankans.

Sjá einnig: PEPP hjá Evrópska seðlabankanum

Sagði Christine Lagarde, forseti Evrópska seðlabankans, að ef slík stefna væri trúverðug gæti hún styrkt getu peningastefnunnar til að koma á stöðugleika hagkerfisins við lága verðbólgu. Umfjöllun á vef Financial Times.

Bankinn hóf athugun sína á stefnunni í janúar en kórónuveirufaraldurinn hefur seinkað ferlinu. Niðurstaða er væntanleg í september á næsta ári. Enn fremur sagði Lagarde að mikilvægt væri að verðbólgumarkmið bankans væri auðskiljanlegt.