Úrvalsvísitala Kauphallar Nasdaq Iceland hækkaði um 0,95% í dag og stendur því nú í 1.792,35 stigum. Vísitalan hefur hækkað um 4,78% frá áramótum. Heildarvelta á mörkuðum nam ríflega 10 milljörðum þar af námu viðskipti með skuldabréf 7,6 milljörðum og viðskipti með hlutabréf 2,2 milljörðum.

Gengi hlutabréfa Icelandair Group hækkaði um 2,23% í ríflega 1,1 milljarðs króna viðskiptum í dag. Einnig hækkaði gengi bréfa Haga umtalsvert eða um 2,72% í tæplega 150 milljón króna viðskiptum. Gengi hlutabréfa HB Granda hækkaði um 1,39% í 32,7 milljón króna viðskiptum.

Vísitala GAMMA

Markaðsvísitala GAMMA hækkaði um 0,2% í dag í 9,3 milljarða viðskiptum. Hlutabréfavísitala GAMMA hækkaði um 0,8% í dag í 2 milljarða viðskiptum.

Skuldabréfavísitala GAMMA lækkaði um 0,1% í dag í 5,9 milljarða viðskiptum. Verðtryggði hluti vísitölunnar hækkaði um 0,1% í 0,9 milljarða viðskiptum og óverðtryggði hluti vísitölunnar lækkaði um 0,6% í 4,6 milljarða viðskiptum.  Vísitala fyrirtækjaskuldabréfa lækkaði lítillega í dag í 1,4 milljarða viðskiptum.