Icelandair vill greiða upp 190 milljón dollara skuldabréf félagsins, sem samsvarar um 23 milljörðum króna, samkvæmt tilkynningu frá félaginu. Icelandair stenst sem stendur ekki fjárhagsleg skilyrði sem sett eru fyrir þeim lánakjörum skuldabréfanna.
Í tilkynningu frá Icelandair segir að félagið leggi til að greiða upp þriðjung skuldabréfa fyrir 15. janúar 2019 og það fái heimild til að greiða upp eftirstöðvar skuldabréfsins fram til ársloka 2019. Tillagan gengur út frá að Icelandair greiði 100,5% af höfuðstól skuldabréfsins fyrir 31. mars og 101% síðar á árinu 2019. Þá munu skuldabréfaeigendur einnig geta farið fram á að fengið bréfin greidd upp frá frá 30. júní 2019 til og með 15. júlí 2019 fyrir 102% af höfuðstól skuldabréfanna.
Auk þess mun Icelandair fara fram á að fá undanþágu frá skilmálum skuldabréfanna fram til 30. júní 2019 en félagið muni ekki greiða arð á meðan undanþága frá fjárhagslegum skilyrðum er í gildi samkvæmt tillögunni.
Icelandair féll í gær frá kaupum félagsins á Wow air. Þá hélt það hluthafafund í morgun þar sem samþykkt var 625 milljón hluta hlutafjáraukning, sem samsvarar um tæplega sex milljörðum króna miðað við núverandi markaðsgengi hluta í félaginu.
