Eigendur bílanna þurfa þó ekki að hafa stórar áhyggjur, því viðgerð á bílum þeirra tekur að sögn aðeins um klukkustund. Innköllunin, sem BBC greinir frá, nær til bíla af gerðinni A, B, C og E, ásamt CLA, GLA og GLC, sem framleiddir voru frá nóvember 2011 þangað til í júlí í ár.
Talsmaður hjá Mercedes-Benz segir gallann aðeins koma upp við mjög sjaldgæfar kringumstæður, sem gera það að verkum að loftpúðinn blæs út án nokkurs tilefnis. Fyrirtækið mun setja sig í samband við eigendur allra bíla sem gallinn kann að hafa áhrif á og gert verður við bíla þeirra þeim að kostnaðarlausu.
