Heilbrigðiseftirlit Reykjavíkur hefur, að höfðu samráði við Arkiteo ehf, innkallað myntutöflur þar sem varan var pökkuð við óheilnæmar aðstæður.

Í auðkenni vörunnar kemur fram á ensku að varan gefi hæfileika til að sjá bæði Elvis og álfa, neytandinn geti talað íslensku og gengið á rennandi hrauni, haldi aftur af öldrun í Bláa lóninu, gefi töfrakrafta, láti neytandann vera elskaðann að eilífu, geti sungið eins og Björk, höndlað brenivín, skilið Sigur Rós, borið fram Eyjafjallajökull, orðið óttalaus eins og Víkingar og séð Norðurljós.

Eftirfarandi upplýsingar auðkenna vöruna sem innköllunin einskorðast við undir vöruheiti:

  • Ability to See Elves
  • Ability to see Elvis
  • Ability to Speak Icelandic,
  • Ability to Walk on Hot Lava,
  • Anti-ageing Blue Lagoon,
  • Ice Magic Powers,
  • Loved Forever,
  • Selfie Free,
  • Sing like Björk,
  • Tolerance for Brennivín,
  • Understand Sigur Rós,
  • You can Pronounce Eyjafjallajökull
  • You will be fearless like the Vikings,
  • You‘ll see Northern Lights,

Myntutöflunum var dreift í eftirfarandi verslunum og söfnum: Woolcano, &Þó, Epal, IceWear, Ísbjörninn, Mál og Menning, Aurum, Islandica, Penninn/Eymundsson, Wiking, Volcano og Reðursafninu. Viðskiptavinum sem hafa keypt vöruna er bent á að neyta hennar ekki og farga. Nánari upplýsingar fást hjá Arkiteo, Hvassaleiti 39, í síma 696 3699.