Ísland er í 12. sæti velmegunarlista Legatum stofnunarinnar og fellur um eitt sæti frá síðasta ári. Noregur er í efsta sæti listans sjöunda árið í röð.

Listinn metur ríki eftir átta þáttum: efnahag; frumkvöðlastarfsemi og tækifærum; stjórnarháttum; menntun; öryggi; persónulegt frelsi og samfélagsauði.

Efstu löndin eru:

  1. Noregur
  2. Sviss
  3. Danmörk
  4. Nýja Sjáland
  5. Svíþjóð
  6. Kanada
  7. Ástralía
  8. Holland
  9. Finnland
  10. Írland
  11. Bandaríkin
  12. Ísland

Ísland er í öðru sæti þegar kemur að öryggi, fjórða sæti í frumkvöðlastarfsemi og tækifæri og í fimmta sæti þegar kemur að persónulegu frelsi. Ísland er hins vegar einungis í 31. sæti þegar kemur að menntun og í 18. sæti í bæði stjórnarháttum og heilsu.