Landsbankinn tilkynnti í morgun um lækkun vaxta. Breytilegir óverðtryggðir vextir lækka almennt um 0,05-0,25 prósentustig.
Fastir vextir óverðtryggðra íbúðalána til þriggja og fimm ára lækka um 0,25 prósentustig.
Breytilegir vextir óverðtryggðra íbúðalána lækka um 0,10 prósentustig. Breytilegir vextir bíla- og tækjafjármögnunar lækka um 0,10 prósentustig og yfirdráttarvextir lækka um 0,25 prósentustig. Innlánsvextir almennra veltureikninga og verðtryggðir vextir eru óbreyttir. Aðrir innlánsvextir standa ýmist í stað eða lækka um 0,05-0,25 prósentustig.
Ný vaxtatafla Landsbankans tekur gildi í dag.
