Eggjahvíta er heilsusamleg og próteinrík fæða. Eggjahvíta er hins vegar dýraafurð og vaxandi áhyggjur neytenda af dýravelferð, skaðlegum umhverfisáhrifum framleiðslunnar o.s.frv. hafa hrint af stað mikilli samkeppni í leit að aðferð til að búa til prótein sem gæti leyst eggin af hólmi. Þessi leit að staðgengli eggja er til umfjöllunar á fréttavef Bloomberg sem segir að milljarða dollara hafi verið fjárfest í leitina.
Nú þegar eru komin á markað tilbúin prótein sem geta að einhverju leiti komið í stað eggja. Það hefur hins vegar reynst þrautinni þyngra að búa til prótein sem getur alfarið komið í stað eggja. Eggjahvíta er ódýr í framleiðslu og er sá próteingjafi sem síst veldur ofnæmi. Þá reiði matvælaframleiðendur sig mikið á eggjahvítu sem er bragðlaust prótein og blandast auðveldlega saman við önnur matvæli.
Bloomberg greinir frá nokkrum fyrirtækjum í framlínu samkeppninnar og segir leitina að hinum fullkomna staðgengli vel á veg komna. Fundalaunin eru líka ekki af verri endanum því eggjaframleiðsla í Bandaríkjunum veltir árlega sjö milljörðum dollurum, jafngildi 857 milljörðum íslenskra króna.
