Íslenska dúkkan Lúlla hefur slegið rækilega í gegn víðsvegar um heim frá því hún kom á markað fyrir ári síðan. Haustið 2015 voru framleiddar 5.000 dúkkur, sem seldust á þremur mánuðum. Um 30.000 dúkkur komu á markað í ágúst á þessu ári og þær eru uppseldar.

Dúkkan er hugarsmíð Eyrúnar Eggertsdóttur frumkvöðuls, sem árið 2011 stofnaði sprotafyrirtækið RóRó. Í dag á Eyrún meirihluta í fyrirtækinu en tveir sjóðir eiga einnig hluti í fyrirtækinu en það eru Eyrir Invest og S9, sem er í eigu Margrétar Ásgeirsdóttur.

„Þetta hefur gengið rosalega vel," segir Eyrún í samtali við Viðskiptablaðið. „Síðasta framleiðsla er uppseld og við erum búin að selja um 40 þúsund dúkkur í viðbót í forpöntunum og þær eru í framleiðslu núna."

Í kjölfar velgengni Lúlla dúkkunnar leitaði bandarískt stórfyrirtæki til Eyrúnar.

„Við eigum núna í viðræðum við Babies"R"Us, sem er dótturfyrirtæki Toys"R"Us. Babies"R"Us er með 224 verslanir í Bandaríkjunum og viðræðurnar eru mjög langt komnar — á lokametrunum. Svo eigum við líka í viðræðum við Babies"R"Us í Kanada."

Dúkkan kostar 71 Bandaríkjadollar eða um 8.200 krónur.

„Fólk virðist reyndar vera tilbúið að borga allt upp í 80 þúsund krónur fyrir dúkkuna. Þar sem dúkkan er uppseld hafa einhverjir verið að selja hana á Ebay og þar fór ein á þessa upphæð fyrir nokkru síðan."

  • Fjallað er um alvarlegan vanda heilbrigðiskerfisins.
  • Umhverfisráðherra er tekin tali um framtíðaráform í laxeldi.
  • Ríkið á meirihluta bankakerfisins og mikil óvissa ríkir um framtíð bankanna.
  • Rætt er við sjálfbærnissérfræðinginn Gil Friend.
  • Gunnar Andri Þórisson markaðssérfræðingur sem gefur út bók á næstunni er tekinn tali.
  • Markaðshlutdeild bílaumboða.
  • Fjallað er um mikla uppbyggingu í Húsavík.
  • Forstjóri Íslandspósts svarar fyrir sig.
  • Slæm staða sauðfjárbænda er tekin ítarlega fyrir.
  • Ítarlegt viðtal við Þorvald Lúðvík Sigurjónsson fjármálamann og frumkvöðul.
  • Tekið er fyrir mikilvægi verkefnastjórnunar.
  • Umfjöllun um tekjuhæstu leikmenn NFL.
  • Félags- og tómstundastarf vetursins hefst.
  • Viðtal við forsvarsmann auglýsingastofunnar Tvist.
  • Pétur Pétursson, nýr sölustjóri á fyrirtækjasviði Valitor tekinn tali.
  • Huginn og Muninn eru á sínum stað auk Týs, sem fjallar um loforðasúpu.
  • Óðinn skrifar um valdaframsal til Seðabankans.