Samtök atvinnulífsins (SA) hafa um nokkurra ára skeið boðað til fundar í byrjun nýs árs undir yfirskriftinni „Hvað ber árið í skauti sér?" Fundurinn fór fram á föstudaginn. Eins og gefur að skilja var megináherslan nú lögð á kjaramálin enda er fjöldi samninga á almennum vinnumarkaði laus.

Halldór Benjamín Þorbergsson, framkvæmdastjóri Samtaka atvinnulífsins, fór yfir stöðuna í kjaramálunum og helstu áherslur samtakanna. Auk þessa sagði Halldór Benjamín frá Menntadegi atvinnulífsins, sem verður haldinn í Hörpu 14. febrúar. Þema dagsins að þessu sinni verður læsi og boðið verður upp á málstofur um kennslustofu 21. aldarinnar og stöðu stráka í lífi og starfi.

Á fundi SA var einnig greint frá verkefni, sem gengur undir heitinu Voffi. Er það viðamikil rannsókn á vegum Barnaspítala Hringsins á veikindum ungra barna og fjarvistum foreldra frá vinnu vegna veikindanna. Samtök atvinnulífsins styrkja rannsóknina, sem hófst fyrir um einu ári.

© Haraldur Guðjónsson (VB MYND/hag)

Eyjólfur Árni Rafnsson, formaður Samtaka atvinnulífsins, hélt stutt ávarp í byrjun fundarins.

© Haraldur Guðjónsson (VB MYND/hag)

Hrafnhildur Stefánsdóttir, yfirlögfræðingur Samtaka atvinnulífsins og Páll Erland, framkvæmdastjóri Samorku.

© Haraldur Guðjónsson (VB MYND/hag)

Örn Arnarson, sérfræðingur hjá Samtökum fjármálafyrirtækja og Jakob Falur Garðarsson, framkvæmdastjóri Frumtaka, samtaka frumlyfjaframleiðenda á Íslandi.

© Haraldur Guðjónsson (VB MYND/hag)

Davíð Þorláksson, forstöðumaður samkeppnishæfnissviðs SA.

© Haraldur Guðjónsson (VB MYND/hag)

Halldór Benjamín Þorbergsson, framkvæmdastjóri Samtaka atvinnulífsins, fór yfir stöðuna í kjaramálum.