Alls bárust nítján umsóknir um starf aðallögfræðings lögreglunnar á höfuðborgarsvæðinu (LRH). Í hópi umsækjenda er einn fyrrverandi þingmaður.

Starf aðallögfræðings var auglýst laust til umsóknar í síðasta mánuði. Sá umsækjandi sem hreppir starfið mun sitja í yfirstjórn LRH, hafa umsjón með svörun erinda frá nefnd um eftirliti með lögreglu, héraðssaksóknara, umboðsmanni Alþingis, ríkislögmanni og öðrum opinberum aðilum. Þá verður viðkomandi lögreglustjóra til ráðgjafar um hvers kyns lögfræðileg málefni er embættið varða.

Meðal umsækjenda er Höskuldur Þór Þórhallsson, fyrrverandi þingmaður Framsóknarflokksins, og Rebekka Bjarnadóttir lögfræðingur hjá Arion banka. Þá er þar einnig að finna Hákon Þorsteinsson, aðstoðarmann dómara, en hann hefur reglulega sóst eftir skipun sem héraðsdómari og Arnfríði Gígju Arngrímsdóttur aðstoðarsaksóknara.

Lista umsækjenda má sjá hér að neðan:

  • Arnfríður Gígja Arngrímsdóttir Aðstoðarsaksóknari
  • Árdís Rut Hlífar Einarsdóttir Lögfræðingur
  • Berglind Helga Jóhannsdóttir Persónuverndarfulltrúi
  • Halla Björg Evans Lögfræðingur
  • Hákon Þorsteinsson Aðstoðarmaður dómara
  • Hinrika Sandra Ingimundardóttir Staðgengill skrifstofustjóra
  • Höskuldur Þór Þórhallsson Lögmaður
  • Ingibjörg Lárusdóttir Lögfræðingur
  • Kolbrún Jóna Pétursdóttir Lögfræðingur
  • Kristín Einarsdóttir Sérfræðingur
  • Laufey Kristjánsdóttir Lögfræðingur
  • Margrét Kristín Pálsdóttir Lögfræðingur
  • Ottó Björgvin Óskarsson lögfræðingur
  • Ragnheiður Kr Finnbogadóttir Lánafulltrúi
  • Rebekka Bjarnadóttir Lögfræðingur
  • Sigurður Pétur Ólafsson Aðstoðarsaksóknari
  • Skúli Hakim Thoroddsen Mechiat Löglærður fulltrúi
  • Valgeir Már Levy Fulltrúi
  • Þóra Kristín Sigurðardóttir Einkaþjálfari