Fremur rautt hefur verið yfir að litast í Kauphöllinni þessa vikuna og var lítil breyting á því nýliðinn viðskiptadag, sem var sá síðasta í þessari viku. Gengi OMXI10 úrvalsvísitölunnar lækkaði um 0,44% og stendur nú í 3.329,15 stigum. Heildarvelta viðskipta dagsins nam 2,5 milljörðum dala.
Útgerðarfélagið Brim leiddi hækkanir á meðal þeirra fjögurra félaga þar sem hlutabréfin hækkuðu. Hækkaði gengi Brims um 2,68% í 141 milljóna króna veltu. Næst mest hækkaði gengi Skeljungs, eða um 1,55% í einungis 7 milljóna króna veltu.
12 félög þurftu að sætta sig við gengislækkanir. Mest lækkuðu bréf Origo, um 2,46% og næst mest lækkaði gengi VÍS, um 1,63%. Lækkun annarra félaga var um eða undir 1%.
