Úrvalsvísitala Kauphallar Nasdaq Iceland lækkaði um 0,86% í dag og stendur því nú í 1.725,81 stigi. Hún hefur hækkað um 0,89% frá áramótum. Heildarvelta á mörkuðum nam 12,5 milljörðum króna, þar af var velta á hlutabréfamarkaði 1,6 milljarðar og velta á skuldabréfamarkaði 10,8 milljarðar.
Gengi bréfa allra skráðra félaga lækkaði eða hélst í stað í dag. Gengi hlutabréfa HB Granda lækkaði um 2,02% í dag í 103,2 milljón króna viðskiptum. Einnig lækkaði gengi bréfa Icelandair Group um 1,74% í 137,7 milljón króna viðskiptum. Mest velta var með bréf Marels en gengi félagsins hélt óbreytt.
Vísitölur GAMMA
Markaðsvísitala GAMMA lækkaði um 0,4% í dag í 8,7 milljarða viðskiptum. Hlutabréfavísitala GAMMA lækkaði um 0,8% í dag í 1,7 milljarða viðskiptum.
Skuldabréfavísitala GAMMA lækkaði um 0,3% í dag í 6,3 milljarða viðskiptum. Verðtryggði hluti vísitölunnar lækkaði um 0,2% í 9 milljón króna viðskiptum viðskiptum og óverðtryggði hluti vísitölunnar lækkaði um 0,5% í 6,3 milljarða viðskiptum.
