Heildarvelta hlutabréfaviðskipta á aðalmarkaði kauphallarinnar nam einum milljarði króna í dag, og úrvalsvísitalan OMXI8 lækkaði um 1,07%.
Gengi bréfa allra félaga lækkaði eða stóð í stað í dag nema eins, en bréf Sjóvár hækkuðu um 0,49% í í 43 milljón króna viðskiptum. Gengi bréfa í Högum lækkaði mest eða um 1,66% í 41 milljóna króna viðskiptum.
Mest viðskipti voru með bréf Arion Banka en gengi bréfa bankans lækkaði um 0,12% í 297 milljón króna viðskiptum.
