„Heilbrigðisþjónustan er í brennidepli um þessar mundir," skrifar Óttarr Proppé heilbrigðisráðherra í grein sem birtist í Viðskiptablaðinu í dag.
„Landsmenn vilja að heilbrigðismálin verði sett í forgang, fólkið í landinu vill efla heilbrigðiskerfið með auknu fjármagni, það vill bæta heilbrigðisþjónustuna, byggja nýjan spítala, það vill minnka álögur á sjúklinga og auka fjárframframlög hins opinbera til að innleiða fleiri ný lyf.
Ég er sammála þessum áherslum. Þess vegna sóttist ég eftir því að verða heilbrigðisráðherra í þeirri ríkisstjórn sem nú situr. Ég vil koma þessu til leiðar.
Ég bið lesendur um að sýna því skilning þótt Róm verði ekki byggð á einum degi. Það hefur aldrei verið gert, enda er það ekki hægt og það væri ekki skynsamlegt að reyna það. Ekki frekar en að gleypa fíl í einum bita."
Óttarr segir að það þurfi að vera ljóst í hverju sérstaka Landspítalans eigi að felast og hvernig standa eigi vörðu um hlutverk hans sem sérhæfðs háskólasjúkrahúss.
„Það verður að vera ljóst til hvers er ætlast af heilbrigðisstofnununum í öllum umdæmum landsins og hvaða kröfur er hægt að gera til þjónustunnar. Það er algjörlega nauðsynlegt að taka upplýsta ákvörðun um það hvaða heilbrigðisþjónustu við teljum rétt og skynsamlegt að fela einkaaðilum að annast á grund velli samninga.
Allt þetta og meira til verður viðfangsefni þeirrar stefnumótunar sem undirbúningur er hafinn að í ráðuneytinu og ég mun kynna nánar á næstunni."
Grein Óttars má lesa hér .