Kærunefnd útboðsmála felldi nýverið úr sjálfkrafa stöðvun útboðs Ríkiskaupa og heilbrigðisráðuneytisins um úttekt á mönnun og afköstum heilbrigðisstofnana á Íslandi.
Tvö tilboð bárust, 36 milljónir króna frá KPMG annars vegar og 95 milljóna króna tilboð frá McKinsey & Company. Síðarnefnda tilboðinu var tekið. Ráðuneytið hafði stöðvað útboðið um stundarsakir. Nefndin taldi tilboð KPMG ekki standast skilmála útboðsins og aflétti stöðvuninni.
