Tólf einstaklingar hafa gefið kost á sér í embætti ríkisendurskoðanda en Skúli Eggert Þórðarson lét af embættinu í lok janúar. Guðmundur Björgvin Helgason, starfandi ríkisendurskoðandi er meðal umsækjenda. Eftirfarandi tólf einstaklingar gáfu kost á sér:
- Ásgeir Brynjar Torfason, PhD í reikningsskilum
- Birgir Finnbogason, löggiltur endurskoðandi
- Davíð Ólafur Ingimarsson, stjórnsýslufræðingur
- Eiríkur Einarsson, viðskiptafræðingur
- Guðmundur Björgvin Helgason stjórnmálafræðingur
- Guðrún Torfhildur Gísladóttir, löggiltur endurskoðandi
- Jón Arnar Baldurs, löggiltur endurskoðandi
- Jón H. Sigurðsson, löggiltur endurskoðandi
- Jón Magnússon, viðskiptafræðingur
- Kristrún Helga Ingólfsdóttir, löggiltur endurskoðandi
- Páll Grétar Steingrímsson, löggiltur endurskoðandi
- Sigurður H. Helgason, stjórnsýslufræðingur.
Sjá einnig: Ríkisendurskoðandi sé löggildur
Í tilkynningu á vef Alþingis kemur fram að undirnefnd forsætisnefndar hafi skipað ráðgjafarnefnd sem verður undirnefndinni til aðstoðar við að gera tillögu til forsætisnefndar um einstakling sem forsætisnefnd tilnefnir við kosningu í embættið, en ríkisendurskoðandi er kjörinn á þingfundi.
Ráðgjafanefndina skipa Þorgeir Örlygsson, fv. forseti Hæstaréttar, sem er jafnframt formaður nefndarinnar, Katrín S. Óladóttir, sérfræðingur í mannauðsmálum og framkvæmdastjóri Hagvangs, og Stefán Svavarsson, lektor og löggiltur endurskoðandi. Starfsmaður nefndarinnar er Heiðrún Pálsdóttir, ritari forseta Alþingis.
