Viðskiptablaðið hefur áður greint frá hugmyndum Uber um flugbílavæðingu.
Fyrir skömmu gaf félagið út skýrslu, sem lýsti hugmyndum og stefnu félagsins í þessum málum.
Nú segjast stjórnendur Uber aftur á móti vilja prufa flugbíla á næstu þremur árum.
Fjallað er um málið á vef Bloomberg Technology, en líklegt er að fyrstu flugbílarnir verðir prufaðir í Dubai og Dallas.
Önnur félög munu koma að þessari þróun, þar á meðal flugvélaframleiðendur og fasteignafélög. Auk þess á ChargePoint Inc. að kanna hvernig slík tæki yrðu hlaðin.