Farveiturnar Uber og Lyft hafa hótað að hætta starfsemi í Kaliforníu ef þau verða neydd til að skilgreina ökumenn sína sem starfsmenn í stað verktaka en þetta kemur fram í frétt San Fransisco Chronicle .
Dómstóll í Kaliforníu kvað upp dóminn á mánudaginn eftir lögsókn ríkissaksóknara fylkisins en bæði fyrirtækin hyggjast áfrýja dómnum. Breytingin myndi hafa í för með sér að fyrirtækin þyrftu að greiða fyrir ýmis hlunnindi, líkt og veikindalaun. Farveiturnar sögðu starfsemina sína vera ógerlega í ríkinu ef breytingin verður innleidd.
Dara Khosrowshahi, forstjóri sagði í viðtali við MSNBC að fyrirtækið myndi líklega tímabundið stöðva starfsemi sína í Kaliforníu þar til í nóvember ef lögin verða innleidd. John Zimmer, forstjóri Lyft, lét sambærileg ummæli falla á símafundi með hluthöfum.
Í nóvember munu íbúar Kaliforníuríkis kjósa um svokallaða tillögu 22 til ríkislaga, sem mun heimila fyrirtækjum á ný að ráða verktaka í hlutastörf í gegnum smáforritin Uber og Lyft og önnur álíka öpp. Fyrirtækin hafa lagt meira en 100 milljón Bandaríkjadala til kosningabaráttunnar um málið.
Uber CEO Dara Khosrowshahi tells @SRuhle the ride-hailing app would have to shut down in the state of California until at least November if a judge's ruling that Uber must treat drivers as employees instead of independent contractors fails to be appealed by the company. pic.twitter.com/ntAMMxf4Cf
— MSNBC (@MSNBC) August 12, 2020