Velta eykst um 4,1% í október á fasteignamarkaði á höfuðborgarsvæðinu á milli ára en heildarvelta í október 2017 nam 30,9 milljörðum. Kaupsamningum fækkaði um 3% á milli ára en meðalupphæð á hvern kaupsamning var 48,1 milljón króna.
Viðskipti með eignir í fjölbýli námu 22,6 milljörðum, viðskipti með eignir í sérbýli 7 milljörðum og viðskipti með aðrar eignir 1,3 milljörðum. Heildarfjöldi kaupsamninga var 642.
Þegar fasteignamarkaðurinn í höfuðborgarsvæðinu er borin saman á milli október og september árið 2017 fjölgar kaupsamningum á milli mánaða um 33,2% en velta eykst um 33,1%.
