Ráðgjafarfyrirtækið Capacent hagnaðist um rúmlega 13 milljónir króna í fyrra en árið 2017 nam tap félagsins tæplega 20 milljónum króna. Félagið velti rúmum milljarði króna á síðasta ári og jókst veltan um tæplega 164 milljónir króna frá fyrra ári.

Eignir Capacent námu 315 milljónum króna um síðustu áramót og jukust þær um tæpar 68 milljónir frá fyrra ári. Eigið fé nam 40 milljónum króna og rúmlega tvöfaldaðist milli ára. Halldór Þorkelsson er framkvæmdastjóri Capacent.