Hlutabréf Twitter hafa fallið um meira en 15% í viðskiptum fyrir opnun markaða eftir að auðkýfingurinn Elon Musk tísti að fyrirhuguð 44 milljarða dala yfirtaka hans á samfélagsmiðlunum væri komin á ís.
Musk sagðist bíða frekari útreikninga á hlutfalli gervireikninga á samfélagsmiðlinum. Í tilkynningu til Bandaríska verðbréfaeftirlitsins (SEC) áætlaði Twitter að slíkir reikningar vega undir 5% af heildarnotendum samfélagsmiðilsins. Samkvæmt uppgjöri fyrsta ársfjórðungs náðu auglýsingar til 229 milljónir notenda á Twitter.
Twitter deal temporarily on hold pending details supporting calculation that spam/fake accounts do indeed represent less than 5% of users https://t.co/Y2t0QMuuyn
— Elon Musk (@elonmusk) May 13, 2022