Listakonan Arna Óttarsdóttir sýnir nú verk sín í i8 gallerí á Tryggvagötu. Sýningin opnar í dag, fimmtudaginn 5. nóvember, og stendur til 9. janúar á næsta ári. Opnun sýningarinnar er klukkan 17-19 í dag.
Sýning Örnu, sem er sú fyrsta, er samansett af margs konar veggteppum sem hún hefur vefað eftir skissum og hugmyndum sem hún hafnaði upprunalega.
Inn í vefnaðinn lætur hún svo fylgja með brot úr textílhandbókum og leikur sér að mjög í tilraunagleði sinni.
Freistandi væri að rýna nánar í verk Örnu í ljósi samfélagslegrar og jafnvel feminískrar gagnrýni í ljósi sögu efniviðarins síðustu áratugi.
Þó virðist sem listakonan reyni gagngert að þræða fram hjá slíkri orðræðu, og leggi í staðinn áherslu á sköpunargleðina sem fylgir listinni, og eigin uppgötvunarferli.
Verkin bera með sér gleði og undrun listsköpunar sem töfrar fram verðmæti og þýðingu úr engu nema hugvitinu og höndunum.
